هاى عليكو انا هحكى مشكلتى من الاخر بس يا ريت الاقيلها حل بجد
من سنة تقريبا اتعرفت على واحد و كان اكتر من اخويا و مع الوقت ابتديت احبه و كان فى استجابة منه و حصلتلى ظروف فقطعت علاقتى بيه و بعد اكتر من 5 شهور اتقابلنا تانى و رجعنا اكتر من الاول و بعد 4 شهور اكتشفت انه بيحب واحدة صاحبتى و مكنش عاوز يقولى و البنت كانت دايما لو متخانقين تصالحنا على بعض و انا دلوقتى بجد نفسى يرجعلى بس من غير ما اعمل مشاكل و الموضوع ده ملوش غير حلين الاول انى اوقع مبينهم زى ما كتير اوى قالولى و ده مستحيل لان اللى بيحب شخص بيتمناله السعادة و الحل التانى انى اسيبو و مشغلش نفسى بيه بس مش عارفة يا ريت بجد حد يقولى حل تالت

بصى يا جميل انا من راى ان الحل الاول مش حاجه كويسه ممكن تعمليها
يعنى انتى بتقولى ان صاحبتك كانت بتصلح بينكم لما تتخانقوا تيجى انتى النهارده تردى لها الجميل بانك توقعى بينهم

ممكن تخلى حد يكلمه ويعرف ايه شعوره دلوقتى من ناحيتك ولو جالك الرد انه مش بيفكر فيكى يبقى بيتهيألى لازم تختارى الحل التانى رغم صعوبته وتتمنى لهم السعاده وتحاولى متفكريش فيه كتير
انتى اكيد طبعا هتقعدى مده مش قادره تعملى ده بس لو حاولتى تشغلى نفسك بأى حاجه تانيه هتتغلبى بسرعه على احزانك

وبعدين ماحدش عارف ربنا كاتب له ايه يعنى ممكن تكونوا فى الاخر لبعض اذا ربنا اراد ولو مكنتوش لبعض يبقى اعرفى ان ده برده ربنا كاتبه لك

ربنا يوفقك للاحسن ليكى

بصي يا جميل الحل الاول ده متحوليش تفكري فيه خااااااااااالص لانه بجد مش هيفيدك باي حاجه,بالعكس ده ممكن كمان لما يتعرف انك انتي اللي وقعتي يبقي فيه رد فعل تاني او ميحاولش يرجعلك اصلا.
يبقي انا شايفه الحل انك تسيبيه يعيش مع اللي هو حبها واللي هو اختارها.
واكيد ربنا هيرزقك بغيره ان شاء الله ..اللي يسعدك ويخليكي تنسيه خااااااالص

بس بجد بلاش تفكري انك توقعي بينهم .. :no2:

وتقبلي مروري يا عسل :FLOWER_:

مرسى على ردودكم و انا هحاول اخد بالحل التانى بس نفسى فحد يقولى على حل تالت بجد

اول حاجه :: اهلا بيكي يا قمرايه معانا

تاني حاجه :: يارب تفضلي دايما اخت لينا صديقه لكل السايت لأن السايت كل اللي فيه زي السكر

تالت حاجه :: بالنسبة للشاب اللي انتي بتحبيه ده

هو اصلا مايستهلكيش لأن وحش جدا ان ولد يحب صديقتين في وقت واحد

وكمان اناعاوزه اعرف صحبتك كانت عارفه انك مرتبطه بيه قبل الظروف اللي حصلت ليكي

اخر حاجه بقي بقولهالك ياريت تعملي بيها

لو صاحبتك كانت عارفه انك مرتبطه بيه ... ماتكلميهاش تاني ولا تكلميه طبعا ولو انتي عارفه اغنية واما زي بعض انتو الأتنين

لأن كدا هايكونوا استغلوا ظروفك ويبقي معلش

لو هي ما كنتش عارفه انه مرتبط بيكي يبقي تعرفيها انك كنتي مرتبطه بيه وانكم لسه مرتبطين ويفضل انكم انتو الأتنين تسبوه

وعموما انا شايفه ان دا بيحصل كتير بين الشباب الصغير لأنه مش بيكون حاسس باي مسئولية


يلا دا رأي يا قمر وان شاء الله ربنا يوفقك ويسعدك



تحيـــــــــــاتي

انتى مقلتيش فى رسالتك هل هو قالك بحبك او لأ
انا بصراحة يعنى مستغربة ان فى قلوب بقمة القسوة دى
زى متقولى يقتل القتيل ويمشى فى جنازته
ضايقتنى رسالتك من الاشخاص اللى قابلتيهم خيانة صديقة وخيانة رجل احلامك
كيف لكى ان تتحملى كل ذلك العذاب يا صغيرتى
هو انسان لا يستحق حبك صدقينى انتى تروحى تصلى ركعتين شكر ان ربنا كشفلك حقيقة انسان معلشى يعنى غير محتررم
ده بيحب اتنين؟؟؟؟
يعنى بيقضى وقت ولما يتجوز هيتجوز واحدة تانية خالص
لو فعلا حبك كان هيكتفى بيكى انما هو عينه ميملهاش غير التراب ليس عيبا فيكى يا صغيرتى ولكنه عيب يلازم شخصيته هو انسان يحي التعرف الى البنات والارتباط بيهم
يعنى ازاى تامنى لواحد كان بيقولك بحبك وهو بيقولها لواحدة تانية
تخيلى وانتى مثلا بتكلميه وهو بيكنسل عليكى كان معاااها قمة الجرح يعنى
انسيه وعلى فكرة هو الخسران لانه ضيع اجمل حاجة ممكن تحصله فى حياته وتاكدى انه هينددددم تاكدى لانه مش هيلاقى زيك انسيه واقطعى صفحته من حياتك
وربنا مش بيسيب حد لازم هيعوضك

غريب جدا الموضوع

ازاى رجعتو زى الأول وهو يعرف صحبتك اصلا

ثانيا :: هى صحبتك دى كانت عارفة انك كنتى بتحبية او مرتبطة بيه قبل كدة

لو كانت عارفة اقطعى علاقتك بيها نهائيا لأنها غدارة واوعى تأمنيلها على اى سر

ثالثا::: هو اصلا ميستاهلكيش دة بيتسلى بيكى انتى وصحبتك


افضل حل تبعدى عن الولد دة وابعدى عن صحبتك دى كمان

اكرم ليكى واحسن حل
لكن الحل الأول اللى اصحابك قالولك علية مش حلو ابدا ابدا ابدا وليه مساوء كتير قوى عليكى

ميرسى يا قمر لطرحك للمشكلة ويارب نكون فدناكى

لـــــــــيــــــــالــــــــــى